(15.3.1932, Şamaxı r-nunun Təklə k. – 3.6.2010, Bakı) – geoloq, geologiya-mineralogiya elmləri namizədi (1970). Azərbaycan Sənaye İnstitutunu bitirmişdir. Bir sıra elmi idarələrdə bölmə və laboratoriya rəhbəri, Azərgeofizika ETİ-nin aparıcı elmi işçisi olmuşdur. Tədqiqatları əsasən hidrogeologiya, regional geologiya, neftli-qazlı rayonların geoloji quruluşunun araşdırılmasına aiddir.
(27.4.1980, Şamaxı ş.) – iqtisadçı, iqtisad elmləri üzrə fəlsəfə doktoru (2007). Azərbaycan Kooperasiya Universitetini bitirmişdir. 2015 ildən həmin universitetin dosentidir. Əsas tədqiqat sahəsi kənd təsərrüfatı məhsullarının ixrac potensialı və onun stimullaşdırılması məsələləridir. Bir sıra beynəlxalq konfransların iştirakçısı olmuşdur. 25 məqalənin, 1 dərs vəsaitinin və 1 metodik vəsaitin müəllifidir.
Məlumat F. Babayevdən alnmışdır.
(24.2.1971, Şamaxı r-nunun Sabirli k. – 10.9.1992, Ağdərə r-nunun Çıldıran k. həlak olmuşdur) – Qarabağ müharibəsi şəhidi.
Əd.: “Şamaxı tarix-diyarşünaslıq muzeyi”, Bakı, 2009, s.175
(3.7.1958, Şamaxı ş.) – jurnalist, filologiya üzrə fəlsəfə doktoru (2008), dosent (1996). Azərbaycan Dövlət Universitetini bitirmişdir. 1983 ildən həmin universitetin jurnalistika nəzəriyyəsi və təcrübəsi kafedrasında çalışır. Tədqiqat sahəsi – internet-jurnalistika, sosial jurnalistika, jurnalist etikası ilə bağlıdır. 25 elmi məqalənin, 7 metodik vəsaitin, tədris proqramlarının müəllifidir. Azərbaycan Milli Jurnalistika Konqresinin sədridir. Müxtəlif beynəlxalq seminar, simpozium və konfranslarda iştirak və çıxış etmişdir. Beynəlxalq jurnalistika müsabiqələrinin laureatı olmuşdur.
Məlumat Z. Babayevdən alınmışdır.
Mirzə Nəsrulla Hacı Әbülqasım oğlu (1834, Şamaxı – 1883, Təbriz) – Azərbaycan şairi. Azərbaycan, fars və ərəb dillərində təhsil almışdır. Şərq ölkələrinə səyahət etmiş, Hindistanda yaşamışdır. 1858 ildən Tehranda bir müddət təbabətlə məşğul olmuşdur. Lirik şeirləri ilə şöhrət qazanan Bahar Şirvani Nəsrəddin şahın sarayına dəvət olunaraq məlik üş-şüəra adı almışdır. 1878 ildən Təbrizdə yaşamışdır.
Seyid Yəhya Cəmaləddin Seyid Bəhaəddin oğlu Bakuvi Şirvani (təqr. 1410, Şamaxı – təqr. 1462, Bakı) – Azərbaycan mütəfəkkiri, ilahiyyatçı filosof. Seyid Bahəddinin ailəsində anadan olmuşdur. Uşaq yaşlarında ikən ata-anası vəfat etmiş, yetim qalmışdır. Dərin zəkası ilə fərqləndiyindən, o zamanın ən böyük alimi sayılan uzaq qohumu Seyid Sədrəddin onun təlim-tərbiyəsilə məşğul olmuşdur. Həddi-büluğa çatanda qızını ona ərə vermişdir. Müəllimi və qayınatası Seyid Sədrəddinin vəfatından sonra, Şirvandan çıxaraq Bakıya üz tutmuşdur. O vaxt Bakı hakimi olan Xəlil bəy tərəfindən böyük izzətlə qarşılanmış və onun ailəsilə birgə rahat yaşayıb irfan fəaliyyətilə məşğul olması üçün hər cür şərait yaradılmışdır. Böyük kəramət sahibi olan Seyid Yəhya çox qısa zaman kəsiyində öz qüdrətli əsərlərilə diqqət cəlb etdi, onun şöhrəti bütün İslam məmləkətlərinə yayıldı.
(12.10.1958, Şamaxı ş. – 12.6.1992, Ağdam r.) – Qarabağ müharibəsi şəhidi. Orta təhsilini Şamaxıda almışdır. 1991 ildə cəbhəyə yollanmışdır. Naxçıvanik, Tapqaraqoyunlu və Gülablı kəndləri uğrunda döyüşlərdə və Xocalının müdafiəsində iştirak etmişdir. Ağdam bölgəsində Qaraqaya əməliyyatı zamanı qəhrəmancasına həlak olmuşdur. Bir sıra şeirləri qalmışdır.
Əd.: “Şamaxı tarix-diyarşünaslıq muzeyi”, Bakı, 2009, s.175
(10.3.1974, Şamaxı r-nunun Dəmirçi k. – ?.8.1992, Qubadlı r-nunda itkin düşmüşdür) – 1992 ilin avqustunda döyüş şəraitində itkin düşmüş və Şamaxı rayon Məhkəməsinin qətnaməsinə əsasən şəhid hesab edilmişdir.
Əd.: “Şamaxı tarix-diyarşünaslıq muzeyi”, Bakı, 2009, s.175
(14.4.1973, Şamaxı r-nunun Məlikçobanlı k. – 16.7.1992, Ağdərə r-nunda həlak olmuşdur) – Qarabağ müharibəsi şəhidi.
Əd.: “Şamaxı tarix-diyarşünaslıq muzeyi”, Bakı, 2009, s.175
12.6.1976, Şamaxı ş. – 7.12.1995, Tərtər r-nununda həlak olmuşdur) – Qarabağ müharibəsi şəhidi.
Əd.: “Şamaxı tarix-diyarşünaslıq muzeyi”, Bakı, 2009, s.
