(?-1260) – Şirvanşah [1243 – 1260], III Fəribürzün oğlu, Kəsranilər sülaləsindən idi. Zəkəriyyə Qəzvini öz əsərində yazır: “Şirvan müstəqil vilayətdir. Onun hökmdarının adı Axsitandır. Şirvanın hakimi əzəmətli, güclü və qüdrətli hökmdar idi”.
(?-?) – Şirvanşah [1283-94], II Fərruxzadın oğlu, Kəsranilər sülaləsindən idi. H.693 il rəcəb ayına (1294, iyun) aid kitabədə “məlik Keykavus ibn Axsitan” adı çəkildiyindən, III Axsitanın 1283-94 illərdə hakimiyyət sürdüyü aydınlaşır.
(21.3.1882, Şamaxı – 26.10.1949, Bakı) – Azərbaycan energetiki. Azərbaycan dilində texniki təhsilin təşkilatçılarından biri. Belçikada Lyej universitetini bitirmişdir (1908), prof. (1933). Bakının bir sıra elektrik stansiyaları, işıqlandırma və güc qurğularının layihəsini hazırlamışdır. N. Nərimanov ad.
(25.1.1897, Şamaxı – 22.3.1952, Moskva) – Azərbaycan epidemioloqu, tibb e.d. (1937), professor (1939). Almaniyada Münhen Universitetinin tibb fakültəsini bitirmişdir (1925). Hamburq Tropik Xəstəliklər İnstitutunda professor Martininin yanında işləmişdir (1925-28).
(1863, Şamaxı ş. – 1944) – həkim, publisist, tərcüməçi. Almaniyanın Erlangen Universitetini bitirmişdir. Derpt Universitetində doktorluq disertasiyası müdafiə etmişdir (1893). Bakıda Həkimlər Cəmiyyətini təsis edənlərdən biri olmuşdur. 1892 ildə Əbu Mənsur Hərəvinin 11 əsrə aid məşhur əczaçılıq ensiklopediyasını fars dilindən alman dilinə tərcümə edərək ölkəmizdə tibb tarixinin araşdırılmasının təməlini qoymuşdur.
Əd.: Azərbaycan Xalq Cümhuriyyəti Ensiklopediyası I cild, Bakı, “Lider Nəşriyyat”, 2004, s. 108
(23.8.1896, Şamaxı – 27.1.1982, Bakı) – Azərbaycan oftalmoloqu, tibb e.d. (1952), professor (1954), Azərbaycan SSR əməkdar elm xadimi (1964) və əməkdar həkimi (1960). 1923 ildə II Moskva Dövlət Universitetinin tibb fakültəsini bitirmişdir. Bakıda göz xəstəxanalarında həkim (1923-38), baş həkimin müavini (1938-46) vəzifələrində çalışmışdır.
(3.2.1953, Şamaxı ş.) – aktyor, rejissor, Əməkdar mədəniyyət işçisi (2017), hazırda təqaüdçüdür. Azərbaycan Dövlət İncəsənət İnstitutunu (1972-76) və Moskva Gənc Kinematoqrafçıların Ali Kursunu (1980) bitirmişdir. “Alman klinikasına şəxsi səfər” (Arşak Qukasov), “Qara Volqa” (Səfərəli), “Sonuncu fəsil” (Mamed), “Asif, Vasif, Ağasif”, “Birisigün, gecəyarısı…”, “Biz qayıdacağıq”, “Gecə qatarında qətl”, “Qəribə adam”, “Nəsimi”, “Tənha narın nağılı” və s. filmlərdə aktyor kimi çəkilmiş, “Od içində”, “Anlamaq istəyirəm”, “Gecə qatarında qətl”, “Qara Volqa”, “Şeytan göz qabağında”, “Yaramaz”, “Yaşa, qızıl balıq” və s. filmlərinin isə assistent və ikinci rejissoru olmuşdur.
(1732-1785), – 18 əsr Azərbaycan şairi. Həyatı haqqında məlumat çox azdır. M.P.Vaqifin müasiri olmuş, heca vəznində yazıb-yaratmışdır. 18 əsrin ikinci yarısı Azərbaycan şeirindəki realist meyilləri əks etdirən “Can ilə Cəsədin bəhsi” əsərində dünyəvi və irfani görüşlərin qarşılaşmasını təsvir etmişdir. Əsərdə can (ruh) irfanin, cəsəd isə dünyəviliyin rəmzi və təcəssümü kimi göstərilmişdir.
Əd.: Azərbaycan Milli Ensiklopediyası, 2 cild, Bakı, 2010, s. 578
(15.12.1972, Şamaxı r-nunun Şəhriyar q. – 29.10.1992, Ağdam r-nunun Qazançı k. həlak olmuşdur) – Qarabağ müharibəsi şəhidi.
Əd.: “Şamaxı tarix-diyarşünaslıq muzeyi”, Bakı, 2009, s.175
Babayev Babaxan İşıq oğlu (18.7.1927, Şamaxı qəz. I Çaylı k.) – Azərbaycan iqtisadçısı, iqtisad elmləri namizədi (1973), professor (2007), Azərbaycan Respublikasının əməkdar müəllimi (2011). Azərbaycan Dövlət Universitetini bitirmişdir. 1961-72 illərdə ümumtəhsil və orta ixtisas məktəblərində müəllimlik etmişdir. 1972 ildən Azərbaycan Dövlət İqtisad Universitetində çalışır. 3 monoqrafiyanın, 80 elmi məqalənin, 20-dək tədris metodiki vəsaitin, eləcə də elmi-kütləvi mövzuda 9 kitabın və 120 məqalənin müəllifidir.
Məlumat B. Niyazlıdan alnmışdır.
