(10.8.1958, Bakı) – Azərbaycan heykəltəraşı, Azərbaycan Respublikasının xalq rəssamı (2005), professor, Rusiya Rəssamlıq Akademiyasının fəxri üzvü (2008), Respublika Gənclər mükafatı laureatı (1989). Ə.Əzimzadə adına Azərbaycan Dövlət Rəssamlıq Məktəbini və V.Muxina adına Sankt-Peterburq Ali Rəssamlıq Məktəbini bitirmişdir. Hazırda Azərbaycan Dövlət Rəssamlıq Akademiyasının professoru, heykəltəraşlıq kafedrasında emalatxana rəhbəridir.
(30.12.1950, Şamaxı ş.) – uroloq, tibb elmləri namizədi (1987). Azərbaycan Tibb İnstitutunu bitirmişdir. Respublika Uroloji Klinikasında, M.Mirqasımov adına Respublika Klink Xəstəxanasında çalışmış, respublikada ilk böyrək xəstəlikləri şöbəsinin yaradıcılarından biri olmuşdur.
(17.2.1954, Şamaxı ş.) – sənətşünas, sənətşünaslıq üzrə fəlsəfə doktoru. Azərbaycan Dövlət İncəsənət İnstitutunu bitirmişdir. “Yeni Şirvan” qəzeti redaksiyasında fotomüxbir kimi əmək fəaliyyətinə başlamış, Şamaxı rayon Komsomol Komitəsində təlimatçı və ikinci katib, Azərbaycan KP Şamaxı rayon Komitəsində təlimatçı, Şamaxı şəhər XDS İcraiyyə Komitəsinin sədr müavini və sədri vəzifəsində çalışmışdır.
(1950, Şamaxı ş.) – Azərbaycanın əməkdar müəllimi (2005). Azərbaycan Dövlət Pedaqoji İnstitutunu bitirmişdir. Şamaxı şəhər 2 saylı orta məktəbdə müəllim, direktor, Şamaxı rayon Partiya Komitəsində təlimatçı, şöbə müdiri, Şamaxı rayon Təhsil Şöbəsinin müdiri vəzifələrində çalışmışdır. “Şamaxı – təhsil tarixi” monoqrafiyasının həmmüəllifidir.
(26.10.1958, Bakı) – Azərbaycan ginekoloqu, tibb elmləri doktoru (1997), professor (1998), əməkdar həkim. Azərbaycan Tibb İnstitutunu bitirmişdir. ATU-nun I mamalıq və ginekologiya kafedrasının müdiridir (2011 ildən). 200-dən çox elmi əsərin müəllifidir.
(13.1.1962, Şamaxı ş.) – tarixçi, tarix üzrə fəlsəfə doktoru (2014). Bakı Dövlət Universitetini bitirmişdir. 1997 ildən AMEA Milli Azərbaycan Tarixi Muzeyində elmi işçi kimi iş fəaliyyətini davam etdirmişdir. 2009 ildən ekspozisiyanın təhlükəsizliyi üzrə muzeyin direktor müavini vəzifəsində çalışır.
(26.8.1964, Bakı) – Azərbaycanın ictimai-siyasi xadimi, Azərbaycan Respublikasının birinci xanımı, Heydər Əliyev Fondunun prezidenti. M. Seçenov adına 1-ci Moskva Dövlət Tibb İnstitutunu fərqlənmə diplomu ilə bitirmişdir (1988). 1988-1992 illərdə Moskvada akademik Krasnovun rəhbərliyi altında Göz Xəstəlikləri Elmi-Tədqiqat İnstitutunda işləmişdir. 2005 ildə “Evtanaziya və təbabətdə humanizm problemi” mövzusunda dissertasiya işi müdafiə etmiş və fəlsəfə elmləri namizədi alimlik dərəcəsi almışdır.
(8.3.1909, Şamaxı – 1990, Bakı) – Azərbaycan energetiki. Texnika e.d. (1948), professor (1949), Azərbaycan SSR EA müxbir üzvü (1968). 1945-48 illərdə Azərbaycan SSR Xarici İşlər nazirinin müavini vəzifəsində işləmişdir.
(24.4.1911, Şamaxı – 23.3.1985, Bakı) – Azərbaycan geoloqu. Geologiya – mineralogiya e.d. (1944), professor (1945), Azərbaycan SSR EA akademiki (1945). SSRİ Dövlət mükafatı laureatı (1943, 1946). SSRİ-nin fəxri neftçisi (1971). Türkmənistan SSR fəxri elm və texnika xadimi (1971).
(10.1.1858, Şamaxı – mart, 1918, Şamaxı) – ictimai-siyasi xadim, iqtisadçı alim, publisist; Birinci Dövlət Dumasının deputatı. Şamaxı məhəllə məktəbində (1864-68), Tiflisdə Qafqaz Müsəlmanları Ruhani İdarəsinin nəzdindəki altısinifli məktəbdə (1868-74), Bakı realnı məktəbində (1874-78) oxumuşdur. Moskvada Petrovski-Razumovski kənd təsərrüfatı və meşəçilik akademiyasını aqronom və iqtisadçı ixtisası üzrə bitirmişdir. Təkmilləşmək üçün Avropaya getmiş, bir il Fransa və Almaniyada yaşamış, Sileziya vilayətinin iqtisadiyyatına dair elmi əsər yazıb nəşr etdirmişdir. Rusiya imperiyası maliyyə nazirliyinin rüsum və töycü şöbəsində işləmişdir (1883-88). Nazir Rixtenin islahat layihələri bürokratiyanın müqaviməti ilə qarşılaşarkən, digər mütərəqqi məmurlarla birlikdə istefa verib Şamaxıya qayıtmış, xeyriyyə işləri ilə məşğul olmuşdur. İrana səyahət etmiş, müşahidələri əsasında Z.Marağayinin “İbrahim bəyin səyahətnaməsi” romanına bənzər bir əsər yazmışdır.
