Ləngəbiz silsiləsinin Şirvan düzünə baxarında Ovçulu kəndi ərazisində yerləşir. Bitli nənə toponimindəki bitli ifadəsi haqqında Ovçulu kənd əhalisi arasında belə bit xalq rəvayəti də mövcuddur. Rəvayətə görə iki Qoşa zirvə olan Ağdaş dağı ilə Göydaş dagı arasında yerləşən Bitli nənə dağı iki qardaşa məxsus olmuşdur.

Bir gün qardaşlar arasında vuruşma olur. Nənə qardaşları ayırmaq məqsədi ilə onların arasına girir. Bu zaman nənənin başı yaralanır. Buna görə də sakitlik yaranır, hadisə “bitdi” demişlər. Rəvayətə görə nənənin başı yaralanan dağın adı həmin vaxtdan Bitdi nənə dağı adlanmışdır. Bitli nənə dağı hazırda yerli əhali arasında inanc yeri kimi müqəddəs hesab edilir, sitayiş edilir. Dağın aşağı hissəsində “yel” piri vardır. Ehtimal ki, Bitli nənə orada dəfn olunmuşdur.

Əd.: N.Bəndəliyev “Dağlıq Şirvanın toponimləri”, Bakı, “Elm”, 2009, s.257