(20.4.1919, Bakı – 2008, Bakı) – Azərbaycan psixiatrı, tibb elmləri doktoru (1959), professor (1961), əməkdar elm xadimi (1989). Psixiatriya sahəsində doktorluq dissertasiyası müdafiə etmiş və professor adı almış ilk azərbaycanlı alimdir. Azərbaycan Dövlət Tibb İnstitutunu bitirmişdir. ADTİ-nin psixiatriya kafedrasının müdiri (1960-90), Azərbaycan Psixiatriya Assosiasiyasının sədri (1962-96), respublikanın baş psixiatrı vəzifələrində çalışmışdır.
Onun yaxından iştirakı ilə Azərbaycanın 8 rayon və şəhərində psixonevroloji dispanser və xəstəxanalar təşkil olunmuşdur. Əsas tədqiqat sahəsi şizofreniyanın patogenezi problemi ilə bağlıdır. Ölkədə və xaricdə dərc olunmuş 150 elmi əsərin, o cümlədən 3 monoqrafiyanın müəllifidir. Bir sıra beynəlxalq elmi təsisatın üzvü olmuşdur. İkinci Dünya müharibəsinin iştirakçısıdır. II dərəcəli Vətən müharibəsi, Qırımızı Ulduz ordenləri, Azərbaycan Respublikasının “Şöhrət” ordeni (2000) və medallarla təltif edilmişdir.
Əd.: “Azərbaycan Psixiatriya Jurnalı”, Bakı, 2000, № 2, s.105-109ı”ndan götürülmüşdür (Bakı, 2000, sayı 2, s.105-109)