(1.1.1933, Şamaxı r-nunun Mişan k.) – Azərbaycan idman xadimi, Azərbaycanın əməkdar məşqçisi (1969), əməkdar bədən tərbiyəsi və idman xadimi (2006), sərbəst güləş üzrə SSRİ idman ustası (1961). Azərbaycan Dövlət Bədən Tərbiyəsi İnstitutunu bitirmişdir. Azərbaycan və SSRİ çempionatlarının mükafatçısı olmuşdur. Şamaxı rayonunda güləş üzrə məşqçi, “Məhsul” cəmiyyəti rayon şurasının sədri vəzifələrində çalışmışdır. Yetirmələri müxtəlif çempionatlarda qələbələr qazanmışdır.
Məlumat X. Hüseynovdan alınmışdır.