(təxm.954 – təxm.1074) – filosof, dövlət xadimi. Pirsaat çayı sahilində olan Rəncbər kəndində doğulmuşdur. Şamaxıda təhsil almış, çox cavan yaşlarında dövlət işində çalışmış, 1027 ildə Şirvan şahı I Mənuçöhrün vəziri olmuşdur. 100 yaşına qədər vəzir işlədikdən sonra, məsləhətçi olmuşdur.

Şamaxıya gələn Baba Kuhini qəbul etməsindən sonra hörməti xeyli yüksəlmişdir. Altı şahın dövründə vəzirlik etmiş, Şirvanşahlar dövləti kiçik olduğundan, “vassallıq nəzəriyyəsi” yaratmış və əsaslandırmışdır. Bu nəzəriyyəyə uyğun hərəkət edən Şirvanşahları dövlətlərinin müstəqilliyini uzun müddət saxlaya bilmişlər. Haqqında az məlumat olsa da, hind tarixçisi onun yüksək səviyyəyə nail olmasını yazmışdır. 120 yaşında Şamaxıda vəfat etmiş, vəsiyyətinə əsasən, doğulduğu kəndin yaxınlığında, Pirsaat çayının kənarında dəfn edilmişdir. Onun qəbri üstündə xanəgah deyilən abidənin ucaldılması 247 il davam etmişdir. İndi də xalqın sitayiş yeri kimi müqəddəs sayılır.

Əd.: E.Mehrəliyev “Şirvan Elmlər Akademiyası”, Bakı, “Çaşıoğlu”, 2000, s.42-43