(2.1.1957, Şamaxı ş.) – Azərbaycan seysmoloqu, geologiya-mineralogiya elmləri doktoru (2007). Azərbaycan Dövlət Universitetini bitirmişdir. Azərbaycan Respublikası Elmlər Akademiyasının “Geofizika” Elmi Mərkəzinin Təcrübi-Metodiki Ekspedisiyasının “Şamaxı” seysmik stansiyasında texnik, baş texnik, baş mühəndis vəzifələrində çalışmışdır. Sonrakı dövrdə Azərbaycan Respublikası Elmlər Akademiyasının “Geofizika” Elmi Mərkəzinin Təcrübi-Metodiki Ekspedisiyasının Təcrübi-Metodiki Seysmoloji Partiyasının baş geofiziki, AMEA Respublika Seysmoloji Xidmət Mərkəzinin Seysmoloji Tədqiqatlar İdarəsinin rəis müavini, Seysmoloji və geodinamik tədqiqatlar şöbəsinin müdiri işləmişdir. Hazırda Seysmologiya şöbəsinin müdiridir. Azərbaycanda və bir sıra xarici ölkələrdə çap olunmuş 80-dən çox elmi məqalənin, 1 monoqrafiyanın müəllifi, 1 monoqrafiyanın və ali məktəblər üçün 1r dərs vəsaitinin həmmüəllifidir. ABŞ, Yunanıstan,Fransa, Almaniya, İspaniya,Türkiyə, İran, İordaniya, Oman, Rusiya, Gürcüstan, Qırğızıstan və s. ölkələrdə elmi toplantılarda iştirak etmişdir. BDU-nun seysmologiya və yer təkinin fizikası kafedrasında çalışır.
Məlumat Y. Məmmədlidən alınmışdır.