İsrafilov Ağamurad Balamurad oğlu (14.6.1964, Şamaxı r-nunun, Mərzəndiyyə k.) – Azərbaycan aşığı, Azərbaycan Respublikasının əməkdar mədəniyyət işçisi (2011). Şirvan aşıq məktəbinin tanınmış nümayəndələrindəndir. Aşıqlığın sirrini Aşıq Rza Qobustanlıdan və dayısı, el şairi Nadir Mərzəngəlidən öyrənmişdir. 1988 ildən el məclislərində, dövlət tədbirlərində çıxış edir. 1993 ildə Şamaxı rayon mədəniyyət və turizm şöbəsi nəzdində “İncə tellər” aşıqlar ansamblının yaradılmasında iştirak etmişdir və hazırda həmin kollektivin rəhbəridir.
Məlumat Aşıq A.Şirvanlıdan alınmışdır.