(11.7.1939, Şamaxı r-nunun, Nәrimankәnd k. – 6.9.2008, Bakı) – Azərbaycan riyaziyyatçısı. Fizika-riyaziyyat elmləri doktoru (1967), prof.(1969), Azәrb.SSR EA m. üzvü (1980). Moskva Dövlәt Universitetini bitirmişdir (1961). BDU-nun tәtbiqi riyaziyyat kafedrasının müdiri olmuşdur. Tәdqiqatları funksional analiz vә onun tәtbiqlәri, riyazi fizika vә diferensial tənliklar sahәsindәdir.

Sinqulyar Şturm – Liuvill tәnliyi üçün iki spektrə görə tərs mәsәlәni hәll etmiş, Dirak operatoru vә bir sıra riyazi fizika tәnliyi üçün spektral analizin tərs mәsәlәlәrinin nәzәriyyәsini vermiş, özünә qoşma olmayan xüsusi törәmәli vә bir sinif mücərrәd operatorların spektral ayrılışını almış, yüksәktәrtibli tipsiz operator diferensial tәnliklәr üçün korrekt mәsәlәni qoymuş, onun opera­tor qiymәtli çoxhədlilәrin faktorizasiya məsәlәlәrinә tətbiqini göstərmişdir. Elmi kadrlar hazırlanmasında xidmәti var. Moskvada (1966), Nitsada (1970) va Vankuverdә (1979) keçirilәn Beynәlxalq riyaziyyatçılar konqresindә məruzə etmişdir.

Əd.: ASE, X cild, Bakı, 1987, s.592