(8.3.1909, Şamaxı – 1990, Bakı) – Azərbaycan energetiki. Texnika e.d. (1948), professor (1949), Azərbaycan SSR EA müxbir üzvü (1968). 1945-48 illərdə Azərbaycan SSR Xarici İşlər nazirinin müavini vəzifəsində işləmişdir. 1954-58 illərdə AzPİ-də elektrotexnika kafedrasının müdiri olmuşdur. 1962-80 illərdə İ. Yesman adına Azərbaycan Elmi-Tədqiqat Energetika İnstitutunun direktoru vəzifəsində çalışmışdır. Əsas elmi işləri ildırım hadisələrinə və ondan mühafizənin öyrənilməsinə həsr edilmişdir. Әlizadə respublikanın su və külək enerjisi ehtiyatlarının tədqiqi ilə də məşğul olmuşdur. Elmi kadrların hazırlanmasında xidmətləri var. 2 Qırmızı Əmək Bayrağı ordeni və medallarla təltif olunmuşdur.

Əd.: ASE, IV cild, Bakı, 1980, s.169