Şamaxı r-nunun Göylər i.ə.d.-də kənd. Rayon mərkəzindən 25 km cənubdadır. Acıdərə çayının sahilində, Ləngəbiz silsiləsinin ətəyindədir. Әhalisi 15 (2008) nəfərdir.
19 əsrin 1886 il siyahıyaalınmasında Bakı quberniyası Şamaxı qəzasında Binəcik nahiyəsində Acıdərə adlı (7 ailə, 31 nəfar əhali) kənd qeydə alınmışdır. Acıdərə kəndini eyni adlı çayın sahilində əvvəllər poçt məntəqəsi olmuş yerdə Şeyx Əyyub baba və onun nəslinə mənsub olanlar bina etmişlər.

Şamaxı r-nu Adnalı kənd i.ə.d.-nin mərkəzi. Rayon mərkəzindən 7,5 km cənub-qərbdə, Ləngəbiz silsiləsindəki Orta bulaq dərəsinin sağ tərəfində, Adnalı yaylasında yerləşir. Əhalisi 1005 (2008) nəfərdir, 175 təsərrüfatı var; taxılçılıq, heyvandarlıq və üzümçülüklə məşğuldur. Tam orta məktəb, uşaq bağçası, tibb məntəqəsi, klub, kitabxana var.

Şamaxı r-nunun Quşçu i.ə.d.-də qəsəbə. Rayon mərkəzindən 26 km.cənub-şərqdə, Ləngəbiz silsiləsinin ətəyindədir. Əhalisi 27 (2008) nəfərdir. Qəsəbə 1961 ildə Xaqani adına üzümçülük sovxozunun mərkəzi malikanəsi kimi Quşçu kəndi ərazisində salınmışdır.

Şamaxı r-nu Avaxıl kənd i.ə.d.-nin mərkəzi. Rayon mərkəzindən 19 km şimal-qərbdə, Meysəri silsiləsinin cənub ətəyində, Ağsu çayının yuxarı axınındadır. Əhalisi 490 (2009) nəfərdir, 99 təsərrüfatı var. Taxılçılıq və maldarlıqla məşğuldur. 2 tam orta məktəb, uşaq bağçası, kitabxana; məscid (19 əsr) var.

Şamaxı rayonu Bağırlı kənd i.ə.d.-nin mərkəzi. Rayon mərkəzindən 30 km cənubda, Ləngəbiz silsiləsinin Şirvan düzünə baxan ətəyindədir. Әhalisi 2253 (2008); taxılçılıq və maldarlıqla məşğuldur. Tam orta məktəb, klub, kitabxana, tibb məntəqəsi, antik dövrə aid küp qəbirləri nekropolu var.

Vaxtilə Şirvanda maldarlıqla məşğul olmuş Bağırlı elatı Şirvan düzündə dağətəyi sahədə oturaq həyata keçərək Bağırlı kəndini təşkil etmişlər.

Əd.: Azərbaycan Milli Ensiklopediyası, 3 cild, Bakı, 2011, s.26

“Azərbaycan toponimlərinin ensiklopedik lüğəti”, 1 cild, Bakı, “Şərq-Qərb”, 2007, s. 74

N.Bəndəliyev “Dağlıq Şirvanın toponimləri”, Bakı, “Elm”, s.90

Şamaxı rayonu Birinci Çaylı kənd i.ə.d.-nin mərkəzi. Ləngəbiz silsiləsində yerləşir. Əhalisi 1685 nəfərdir (2009), 368 təsərrüfatı var. Əhalisi əsasən kənd təsərrüfatı – əkinçilik və maldarlıqla məşğuldur.

Şamaxı rayonu Dədəgünəş i.ə.d.-də kənd. Dağətəyi ərazidədir. Əhalisi 184 nəfərdir (2009), 44 təsərrüfatı var. 1886 il əhalini siyahıyaalma sənədində Şamaxı qəz. Böyük Çağan (60 ailə, 489 nəfər) kənd adı qeydə alınmışdır.

Şamaxı rayonu Şamaxı şəhər i.ə.d.-də kənd. Rayon mərkəzindən 5 km şimal-qərbdə, Xınıslı çayının (Zoğalava çayının qolu) sağ sahilində, Meysəri silsiləsinin (Böyük Qafqaz) ətəyindədir. Әhalisi 412 (2009) nəfərdir, 11 təsərrüfatı var. Doqquzillik məktəb, uşaq bağçası, kiçik kitabxana, orta əsrlərə aid yaşayış yeri var. 19 əsrdə əhalinin siyahıya alınmasında Şamaxı qəzasında Xınıslı kəndi (36 ailə, 208 nəfər), Xınışlı-Xalac köçü (20 ailə, 105 nəfər) qeydə alınmışdır.

Şamaxı r-nu İkinci Cabanı i.ə.d.-də kənd. Dağətəyi ərazidədir. Bu söz oğuz tayfalarından birinin adını əks etdirir. Çəpni, Çəbni, Cabani variantlarında Azərbaycan ərazisində geniş arealda yayılmışdır. Şərqi Avropa düzənliyində də rast gəlinir.

Əd.: “Azərbaycan toponimlərinin ensiklopedik lüğəti”, I cild, Bakı, “Şərq-Qərb”, 2007, s.117

Şamaxı rayonu Çarhan kənd i.ə.d.-nin mərkəzi. Rayon mərkəzindən 9 km cənubda, Ləngəbiz silsiləsinin ətəyindədir. Əhalisi 2599 (2009) nəfərdir. 525 təsərrüfatı var. Şərab zavodu, tam orta və doqquzillik məktəb, klub, kitabxana, xəstəxana; arxeoloji abidələrdən orta əsrlərə aid qədim qəbiristan var. Çarhan kəndi ərazisində Çarhan adlı yayla, yol, bulaq, dərə və palçıq vulkanı da var. 1886 il əhalinin siyahıya alınması zamanı Çarqan kəndi (69 ailə, 490 nəfər) qeydə alınmışdır. Tədqiqatçılar bu sözü gah Orta Asiyada yaşamış türkdilli çaruqan tayfasının adı ilə bağlayır, gah da “dörd karvansara” mənasında izah edirlər. Əslində, kəndin adı İran dillərindəki çaharan (dördlər) sözünün fonetik variantıdır və Azərbaycan toponimiyasında Dördlər adlanan yaşayış məntəqələrinin (Gədəbəy, Neftçala) sinonimidir.

.Əd.: “Azərbaycan toponimlərinin ensiklopedik lüğəti”, 1 cild, Bakı, “Şərq-Qərb”, 2007, s. 131

N.Bəndəliyev “Dağlıq Şirvanın toponimləri”, Bakı, “Elm”, 2009, s.70