(20.03.1907, Şamaxı ş. – 1998, Bakı) – Azərbaycan elektrotexniki, Azərbaycan SSR EA akademiki (1969; müxbir üz­vü,1955), texnika elmləri doktoru (1952), professor (1953). 1931 ildə M.İ.Ka­linin adına Leninqrad Politexnik İnstitutunu bitirmişdir. 1941-44 illərdə Azərbaycan SSR EA-nın Kirovabad Elmi-Tədqiqat Bazasında direktor, 1952-60 illərdə İ.Yesman adına Elmi-Tədqiqat Energetika İnstitutunun direktor müavini və direktoru olmuşdur. 1960 ildən həmin institutun idarəolunan elektrik intiqalları laboratoriyasına rəhbərlik etmişdir. Əsas elmi işləri avtomatik idarə olu­nan elektrik intiqallarının ümumi nəzəriyyəsinə və xüsusilə, asinxron mühər­rik­lərin tezlik vasitəsilə tənzimlənməsinə həsr olunmuşdur. Əfəndizadə A.Ə. Azər­bay­can dilində texniki terminologiya sahəsində də fəaliyyət göstərmişdir. O, avtomatik idarəetmə üzrə SSRİ milli komitəsinin Azərbaycan yerli şöbəsinin sədri, Beynəlxalq Avtomatika Terminologiya və Standartlar Komitəsinin üzvü, Sovet-Bolqar Dostluq Cəmiyyəti Azərbaycan şöbəsinin sədr müavini olmuşdur. Avtomatik İdarəetmə üzrə Ümumdünya Federasiyasının 1 (Moskva, 1960), 3 (London,1966), 4 (Varşava, 1969), 5 (Paris, 1972), 6 (Boston, 1975), 7-ci (Helsinki,1978) konqreslərində məruzə etmişdir. Ömrünün son illərində Azər­baycan Neft Akademiyasında işləmişdir. Yüksək ixtisaslı kadrların hazırlan­ma­sında xidmətləri vardır. Bir sıra ixtiralarıın müəllifidir. Qırmızı Əmək Bayrağı və “Şərəf nişanı” ordeni ilə təltif edilmişdir.

Əd.: ASE, IV cild, Bakı-1980, s. 244