(20.07.1953, Şamaxı – 13.06.2016, Şamaxı) – Azərbaycan müəllimi, coğrafiya üzrə fəlsəfə doktoru (1994). Azərbaycan Dövlət Pedaqoji İnstitutunu bitirmişdir (1974). Pedoqoji sahədə müxtəlif rəhbər vəzifələrdə işləmiş, uzun müddət Həmyəli kənd orta məktəbinin direktoru, Azərbaycan Dövlət Pedaqoji Universitetinin Şamaxı filialının müəllimi vəzifələrində çalışmışdır.

1999-cu ildə Təhsil Nazirliyinin “Təşəkkür məktubu” və 2000-ci ildə Şamaxı rayon İcra Hakimiyyəti başçısının Fəxri fərmanı ilə təltif olunmuş, 1999/2000, 2000/2001, 2002/2003-cü tədris illərində “İlin ən yaxşı müəllimi”, 1999/2000, 2000/2001-ci tədris ilində “Pedaqoji mühazirələrin” respublika mərhələsinin qalibi olmuşdur.

Azərbaycan Respublikasının Prezidenti cənab İlham Əliyevin 2006-cı il 3 oktyabr tarixli 1715 nömrəli sərəncamı ilə “Azərbaycan Respublikasının Əməkdar müəllimi” fəxri adına layiq görülmüşdür.

Azərbaycan Respublikasının Prezidenti cənab İlham Əliyevin 2013-cü il 6 avqust tarixli 3044 nömrəli sərəncamı ilə 2012/2013-cü tədris ilində “Ən yaxşı müəllim” müsabiqəsinin qalibi seçilmişdir.