Xoraso düzənliyində və Şamaxı yaylasındakı kəndlərdə yayılmış ev tipi. Xırda ağac yarmaçalarından tikilirdi. Şirvanın digər ənənəvi ev tipləri kimi, düzbucaqlı planda inşa olunurdu. Evin dövrəsi boyunca basdırılmış dirəklərin hər iki üzünə 1 m uzunluğunda ağac yarmaçaları bənd edilir və onların arası xırda daş, kəsək, qıxmıq, torpaq və s. ilə doldurulurdu. Evlərin yastı damı tikilib qurtardıqdan sonra onun divarları hər iki tərəfdən palçıqla suvanırdı. Bu tip evlər tək otaqdan ibarət olurdu.

Əd.: A.Mustafayev “Şirvanın maddi mədəniyyəti”, Bakı, “Elm”, 1977, s.36

Şamaxı rayonu Bağırlı kənd i.ə.d.-nin mərkəzi. Rayon mərkəzindən 30 km cənubda, Ləngəbiz silsiləsinin Şirvan düzünə baxan ətəyindədir. Әhalisi 2253 (2008); taxılçılıq və maldarlıqla məşğuldur. Tam orta məktəb, klub, kitabxana, tibb məntəqəsi, antik dövrə aid küp qəbirləri nekropolu var.

Vaxtilə Şirvanda maldarlıqla məşğul olmuş Bağırlı elatı Şirvan düzündə dağətəyi sahədə oturaq həyata keçərək Bağırlı kəndini təşkil etmişlər.

Əd.: Azərbaycan Milli Ensiklopediyası, 3 cild, Bakı, 2011, s.26

“Azərbaycan toponimlərinin ensiklopedik lüğəti”, 1 cild, Bakı, “Şərq-Qərb”, 2007, s. 74

N.Bəndəliyev “Dağlıq Şirvanın toponimləri”, Bakı, “Elm”, s.90

Mirzə Nəsrulla Hacı Әbülqasım oğlu (1834, Şamaxı – 1883, Təbriz) – Azərbaycan şairi. Azərbaycan, fars və ərəb dillərində təhsil almışdır. Şərq ölkələrinə səyahət etmiş, Hindistanda yaşamışdır. 1858 ildən Tehranda bir müddət təbabətlə məşğul olmuşdur. Lirik şeirləri ilə şöhrət qazanan Bahar Şirvani Nəsrəddin şahın sarayına dəvət olunaraq məlik üş-şüəra adı almışdır. 1878 ildən Təbrizdə yaşamışdır.

Seyid Yəhya Cəmaləddin Seyid Bəhaəddin oğlu Bakuvi Şirvani (təqr. 1410, Şamaxı – təqr. 1462, Bakı) – Azərbaycan mütəfəkkiri, ilahiyyatçı filosof. Seyid Bahəddinin ailəsində anadan olmuşdur. Uşaq yaşlarında ikən ata-anası vəfat etmiş, yetim qalmışdır. Dərin zəkası ilə fərqləndiyindən, o zamanın ən böyük alimi sayılan uzaq qohumu Seyid Sədrəddin onun təlim-tərbiyəsilə məşğul olmuşdur. Həddi-büluğa çatanda qızını ona ərə vermişdir. Müəllimi və qayınatası Seyid Sədrəddinin vəfatından sonra, Şirvandan çıxaraq Bakıya üz tutmuşdur. O vaxt Bakı hakimi olan Xəlil bəy tərəfindən böyük izzətlə qarşılanmış və onun ailəsilə birgə rahat yaşayıb irfan fəaliyyətilə məşğul olması üçün hər cür şərait yaradılmışdır. Böyük kəramət sahibi olan Seyid Yəhya çox qısa zaman kəsiyində öz qüdrətli əsərlərilə diqqət cəlb etdi, onun şöhrəti bütün İslam məmləkətlərinə yayıldı.

(15.5.1928, Şamaxı r-nunun Sündü k. – 1.5.1991, həmin kənddə) – Sosialist Əməyi Qəhrəmanı (1948). Şamaxı rayonundakı təsərrüfatda baş baytar işləmişdir. 1948 ildə qoyunçuluq sahəsində yüksək əmək göstəricilərinə nail olmuşdur.

Əd.: Azərbaycan Milli Ensiklopediyası, 3 cild, Bakı, 2011, s. 106

(12.10.1958, Şamaxı ş. – 12.6.1992, Ağdam r.) – Qarabağ müharibəsi şəhidi. Orta təhsilini Şamaxıda almışdır. 1991 ildə cəbhəyə yollanmışdır. Naxçıvanik, Tapqaraqoyunlu və Gülablı kəndləri uğrunda döyüşlərdə və Xocalının müdafiəsində iştirak etmişdir. Ağdam bölgəsində Qaraqaya əməliyyatı zamanı qəhrəmancasına həlak olmuşdur. Bir sıra şeirləri qalmışdır.

Əd.: “Şamaxı tarix-diyarşünaslıq muzeyi”, Bakı, 2009, s.175

(10.3.1974, Şamaxı r-nunun Dəmirçi k. – ?.8.1992, Qubadlı r-nunda itkin düşmüşdür) – 1992 ilin avqustunda döyüş şəraitində itkin düşmüş və Şamaxı rayon Məhkəməsinin qətnaməsinə əsasən şəhid hesab edilmişdir.

Əd.: “Şamaxı tarix-diyarşünaslıq muzeyi”, Bakı, 2009, s.175

(14.4.1973, Şamaxı r-nunun Məlikçobanlı k. – 16.7.1992, Ağdərə r-nunda həlak olmuşdur) – Qarabağ müharibəsi şəhidi.

Əd.: “Şamaxı tarix-diyarşünaslıq muzeyi”, Bakı, 2009, s.175

Parça üzәrinә xüsusi qәliblәrlә naxışvurma üsulu. Qəliblər, əsasən, ağacdan, yaxud mis lövһә və ya məftillərdən һazırlanır (yığma qəlib). Rənglənmiş qəliblərin parça üstünә basılması ilə parçada naxış alınır. Qədimdan (əsasən, Şәrqdә) geniş yayılmış xalq sənəti növüdür. Yunan tarixçisi Herodot (e.ə. 5 əsr) Qafqaz xalqlarının parçaya bitki məhlulu ilə naxış vurmaları haqqında məlumat vermişdir. Azərbaycanda qədim sənət sahələrindən olan Basmanaxış 19 əsrdə Gəncə, Şəki, Şamaxı, Naxçıvan şəhərlərində, Basqal və Mücü kəndlərində (indiki İsmayıllı rayonunda) inkişaf etmişdi. Basmanaxış üsulu ilə hazırlanmış Şamaxı, Gəncə və Basqal kələğayıları, ipək və pambıq parçalardan taxça pərdələri, süfrələr, boğçalar və s. Azərbaycandan xaricdə də yayılmışdır.

Əd.: ASE, II cild, Bakı, 1978, s.38,

Azərbaycan Milli Ensiklopediyası, 3 cild, Bakı, 2011, s.248

12.6.1976, Şamaxı ş. – 7.12.1995, Tərtər r-nununda həlak olmuşdur) – Qarabağ müharibəsi şəhidi.

Əd.: “Şamaxı tarix-diyarşünaslıq muzeyi”, Bakı, 2009, s.