ŞİRVAN-ABŞERON MEMARLIQ MӘKTӘBİ
Orta əsr Azərbərbaycan memarlıq məktəblərindən biri. Təqr. 8-9 əsrlərdə təşəkkül tapmış, 11-15 əsrlərdə ən yüksək inkişaf dövrünü keçirmişdir. Şirvanşahlar dövlətinin əhatə etdiyi ərazidə fəaliyyət göstərən memarların üslub xüsusiyyətlərini birləşdirirdi. Şirvanda yonulmuş daşdan binalar tikilməsi, eləcə də yerli ictimai-iqtisadi şərait Ş.-A.m.m.-nin inşaat quruluşu və memarlıq ayrıntılarında yerli xüsusiyyətlərin təzahürü üçün zəmin yaratmışdır. Qədim müdafiə tikililərindəki ağır kütləli memarlıq formalarının tədricən yüngülləşməsi və cilalanması Ş.-A. m.m.-nin səciyyəvi xüsusiyyətlərindəndir.